Նորություններ

26.06.2020
Արցախբանկի հաճախորդներին հասանելի է նաև Telcell-ը

Նպատակ ունենալով ապահովելու հաճախորդներին վճարումներ իրականացնելու ժամանակակից հարմարավետ բանկային լուծումներ, «Արցախբանկ» ՓԲԸ-ն առաջարկում է իր հաճախորդներին օգտվել հեռահար սպասարկման ծառայություններից՝ այժմ նաև Telcell վճարային տերմինալների և Telcell Wallet-ի միջոցով:

Արցաբանկի և Telcell ընկերության համագործակցության շնորհիվ Բանկի ֆիզիկական և իրավաբանական անձանց հնարավորություն է ընձեռվում առանց Բանկ այցելելու իրականացնել արագ և անվտանգ հետևյալ բանկային ծառայությունները.

  • խնայողական հաշիվների համալրումներ (պահանջվում է բանկային հաշվի համարը),
  • քարտային հաշիվների համալրումներ (պահանջվում է քարտի համարը),
  • կուտակային ավանդի համալրումներ (պահանջվում է պայմանագրի կոդը),
  • վարկի  մարումներ (պահանջվում է վարկային կոդը):

Telcell տերմինալները հասանելի են ինչպես Հայաստանի, այնպես էլ Արցախի տարածում:

Telcell վճարային համակարգի միջոցով իրականացվող գործարքների սակագներին կարող եք ծանոթանալ այստեղ:

Հոգ տանելով մեր քաղաքացիների առողջության մասին՝ Արցախբանկը կոչ է անում բոլորին առավելագույնս օգտվել անկանխիկ վճարային միջոցներից և Բանկի հեռահար սպասարկման ծառայություններից: